Gəncədə yol-nəqliyyat hadisəsi baş verib. Bu haqda Gencexeber.az-a 11 iyun tarixində məlumat daxil olub.
Hadisə Əlibəy Hüseynzadə və Vaqif küçələrinin kəsişməsində qeydə alınıb. Burada iki avtomobil toqquşub.
Şahidlərin sözlərinə görə, ikinci küçə ilə hərəkət edən “VAZ-2107” markalı avtomobil baş yola çıxarkən baş yolda hərəkətdə olan avtomobillərə yol verməyib. Nəticədə avtomobil həmin yoldakı digər “VAZ-2107” markalı nəqliyyat vasitəsi ilə toqquşub. Nəticədə avtomobillərdən biri ağaca, digəri isə səkiyə, daha sonra yolun kənarındakı iaşə obyektinin qarşısında olan ərzaq soyuducularına çarpılıb.
Qəza zamanı hər iki sürücü yüngül xəsarət alıb. Həmçinin ərzaq soyuducularına ziyan dəyib.
Əraziyə polis və sığorta əməkdaşları cəlb olunublar.
