Fikrət Əmirov adına Gəncə Dövlət Filarmoniyasında Əməkdar incəsənət xadiminə həsr olunmuş tədbir baş tutacaq. Bu haqda 27 may tarixində Apa-ya istinadən xəbər veririk.
"Gəncə və gəncəlilər" layihəsi görkəmli Azərbaycan bəstəkarı Əməkdar incəsənət xadimi Qəmbər Hüseynliyə həsr olunacaq. Bəstəkarın əziz xatirəsinə həsr olunmuş "Ay işığında" adlı konsert proqramı keçiriləcək.
Konsert 1 iyun tarixində saat 19:00-da təşkil olunacaq. Gecədə bəstəkarın “Ay işığında”, “İlk məhəbbət”, “Tel nazik”, “Tellər oynadı”, “Çeşmə başında”, “Düşər yadıma”, “Gecələr uzanaydı”, “Dolanım başına” və digər sevilən mahnıları səsləndiriləcək.
