Gəncə Şəhər İcra Hakimiyyətinin və Tarix-Mədəniyyət Qoruğunun təşkilatçılığı ilə 15 İyun–Milli Qurtuluş Günü münasibəti ilə qoruğun ərazisinə daxil olan orta əsrlərə aid dünya əhəmiyyətli “Qədim Gəncə” ərazisində yaşıllıq və abadlıq aksiyası keçirilib. Bu haqda 13 iyun tarixində İcra Hakimiyyətinə istinadən xəbər veririk.
Aksiya zamanı iştirakçılar tərəfindən ərazinin müəyyən hissəsi məişət və təsərrüfat tullantılarından təmizlənib. Əraziyə 101 ədəd sərv ağacı əkilib, onlara aqrotexniki qulluq göstərilib.
Həmçinin qoruğun giriş hissəsində buranın dövlət tərəfindən qorunduğunu, məişət və təsərrüfat tullantılarının əraziyə atılmasının qadağan edildiyini bildirən məlumat lövhəsi quraşdırılıb.
