Gəncədə peşəkar inkişaf proqramına yenidən qeydiyyat başlayıb. Bu haqda 29 mart tarixində Dövlət Məşğulluq Agentliyinə istinadən məlumat veririk.
Kurslar PROGRO Platforması tərəfindən təşkil olunur. Proqramın müddəti 2 aydır. Burada iştirakçılar fiziki təlimlər, məşğələlər, praktik tapşırıqlar, aktiv iş axtarışı, tədbirlərin təşkili, müxtəlif mövzularda təqdimatlar, şirkət nümayəndələri ilə görüşlər kimi bir çox fəaliyyətlərə qatılacaq və iş mühitinə peşəkar kimi hazırlaşacaqlar.
Namizədlərdən 30 yaşı tamam olmamış, orta və ya ali ixtisas təhsilli, iş axtaran, motivasiyalı və öz üzərində işləməyə meyilli olanlar dəyərləndiriləcəklər.
Qatılmaq istəyənlər qeyd olunan link vasitəsilə qeydiyyatdan keçməlidirlər. Son müraciət tarixi 10 apreldir.
Qeyd edək ki, proqramda iştirak ödənişsizdir.
