Gəncə Dövlət Filarmoniyasının “Urban” Mərkəzində sərgi təşkil edilib. Bu haqda Gencexeber.az-a 4 iyun tarixində məlumat daxil olub.
Şəhərimizdə yaşayıb-yaradan Saləddin Məhərrəmovun sərgisi keçirilir. Burada sənətkarın ağac üzərində oymalardan ibarət işləri nümayiş olunur. Rəssamın əl işlərində vətənpərvərlik mövzuları, təbiət kompozisiyaları, görkəmli şəxsiyyətlərin oyma şəkilləri yer tutur. Sərgi 20 iyun tarixinə qədər davam edəcək.
Tədbirə giriş sərbəstdir. 60-a yaxın əl işindən ibarət olan sərgi Regional Mədəniyyət İdarəsinin təşəbbüsü və təşkilatçılığı ilə baş tutub.
