Gəncədə məktəblərdən biri ziyarət olunub. Bu haqda 17 may tarixində Regional Təhsil İdarəsinə istinadən məlumat veririk.
Tədbir 10 nömrəli tam orta məktəbdə baş tutub. Təhsil müəssisəsi "İnnovativ məktəb" layihəsinə qoşulub. ORT İsrail komandasının nümayəndələri iki gün ərzində dərsləri dinləyib, STEAM, Rəqəmsal, inklüziv və sahibkarlıq dərslərində olublar. Onlar, həmçinin şagirdlərin məşğuliyyəti, fəaliyyətləri, asudə vaxtlarının keçirilməsi kimi məsələlərlə maraqlanıblar.
Qeyd edək ki, “İnnovativ məktəb” layihəsi çərçivəsində 10 nömrəli tam orta məktəbin direktoru Arzu Əliyeva İsraildə təhsildə innovativ yanaşmalar və təşəbbüslər istiqamətində keçirilən təlimlərdə iştirak edib.
