Gəncədən olan opera ifaçısı Azərbaycan Mədəniyyət Nazirliyi və Dövlət Opera və Balet Teatrının dəstəyi keçirilən beynəlxalq festivalda iştirak edib. Bu haqda Gencexeber.az-a 4 may tarixində məlumat daxil olub.
Söhbət opera müğənnisi Altun Süleymanovdan gedir. İfaçı Fidan Hacıyevanın Birinci Beynəlxalq Opera Festivalı çərçivəsində olan "Klassik musiqi gecəsi" konsertində çıxış edib.
“Landmark Rotunda” Zal səhnəsində olan tədbirdə Azərbaycanın Xalq artisti Fidan Hacıyeva, Əməkdar artist Anton Ferştandt, solistlər Aysel Abdullayeva, Adil Həsənov, Mahir Tağızadə, Orxan Cabbarov, Anar Həmidli, Aysu Əliyeva, Mehriban Kazımova, Alina Litvinova və Fəxmin Əhmədli ifalarını təqdim ediblər. Burada, həmçinin Rusiyadan Vyaçeslav Vasilyev, İtaliyadan Ripalta Bufo, Gürcüstandan Giorgi Çelidze iştirak ediblər.
