Gəncədə təqdimat mərasimi keçirilib. Bu haqda 22 sentyabr tarixində Regional Mədəniyyət İdarəsinə istinadən məlumat veririk.
Tədbir Mərkəzi Kitabxananın xidmət şöbəsində baş tutub. Burada şair, publisist, dramaturq Ofelya Mədətqızı Xəlilovanın “Qeybdən gələn işıq” kitabı təqdim olunub. O, müəllifi olduğu 8 kitabından danışıb və tədbirin təşkilatçılarına təşəkkürünü bildirib.
Mərasimdə Gəncə Dövlət Kukla teatırı aktyorlarının və müəllifin özünün ifasında Ofelya Mədətqızının “Qələbə bizimdir”, “Qeybdən gələn işıq”, “Mənə əlil deməyin”, “Gəncə” kimi şeirləri ifa olunub. Şairə həsr edilmiş videoçarx nümayiş etdirilib.
Müəllif Ofelya Mədətqızı iştirakçılara təqdimatı keçirilən “Qeybdən gələn işıq” kitabını bağışlayıb. Sonda xatirə şəkli çəkilib.
