Gəncənin qadın sakinləri piyada səkisindən rahat istifadə edə bilmirlər. Bu haqda Gencexeber.az- a 8 iyun tarixində məlumat daxil olub.
Söhbət Heydər Əliyev prospektində (32 saylı orta məktəbin yanı) yerləşən “Gəncə çay evi”ndən gedir. Adıçəkilən obyektə gələn müştərilərin açıq havada əyləşməsi şəhərin qadın sakinlərinin narahatlığına səbəb olub. Sakinlər buradan rahat keçə bilmədiklərini bildiriblər.
“Aidiyyəti qurumların məsələyə baxmasını istəyirik. Ərazidən qadın, uşaq keçir, ayıbdır axı nalayiq söyüşlər eşidirik. Bu məsələ ilə bağlı bir tədbir görülsün”, - deyə ətrafda yaşayan qadın sakinlər qeyd ediblər.
