Gəncədən olan nümayəndə heyəti Tacikistanın Xücənd şəhərində olub. Bu haqda 25 iyun tarixində İcra Hakimiyyətinə istinadən xəbər veririk.
Tacikistanın Xücənd şəhərində “Suğd-2024” X Beynəlxalq Ticarət Sərgisi keçirilib. Burada Çin, Özbəkistan, Qırğızıstan, Qazaxıstan, Rusiya, Belarus, Türkmənistan, Türkiyə, İran və digər ölkələrlə yanaşı, Azərbaycan Respublikasının Gəncə şəhərindən olan nümayəndə heyəti də iştirak edib. Açılış mərasimi Xücəndin “İdman Sarayı”nda baş tutub. 17 ölkənin iştirakı ilə keçirilən tədbirdə sahibkarlar öz məhsullarını satışa çıxarıblar.
3 gün davam edən sərgidə müxtəlif panel müzakirələr, dəyirmi masa, mətbuat konfransı və konsert proqramı keçirilib. Sərginin sonunda qonaqlar üçün Xücənd şəhərinin gəzməli-görməli yerlərinə gəzinti təşkil olunub.
