Gəncədə şüşə üzərində portret çəkən rəssam yaşayır. Bu haqda Gencexeber.az 5 avqust tarixində məlumat verir.
Rövşən Fərman oğlu Ələsgərov 11 oktyabr 1966-cı ildə anadan olub. 1989-cu ildə Gəncə Pedaqoji Texnikumunun "Təsviri incəsənət və rəsmxət" ixtisasını bitirib. Rəssamlığın sirlərini müəllimi - Əməkdar rəssam professor Şaiq Məmmədovdan öyrənib. Rövşən tələbəlik vaxtlarından mərmər üzərində döymə işi ilə məşğul olmağa başlayıb.
O artıq 35 ildir ki, bu sənətlə məşğuldur. Sənətkarın əl işlərinin əksəriyyətini Vətən uğrunda döyüşən şəhid və qazilərin rəsmləri təşkil edir. Rəssamın hər üç övladı onun sənətini davam etdirir. O, mərmər üzərində döymə sifarişləri də hazırlayır.
Rövşən Ələsgərov, həmçinin 1992-1993-cü illərdə 1-ci Qarabağ savaşında ön cəbhədə döyüşüb.
Sənətkar hal-hazırda "İlhamoğlu Mərmər-qranit zavodu"nda rəssam işləyir. Rəssamla (050) 355 96 98 nömrəsi ilə əlaqə saxlamaq olar.
[modula id="41984"]
