Gəncədə növbəti vətəndaş qəbulu keçirilib. Bu haqda 9 may tarixində İcra Hakimiyyətinə istinadən məlumat veririk.
Görüşdə şəhər rəhbəri Niyazi Bayramov, YAP Gəncə Şəhər Təşkilatının sədri Bayram Aslanov, İcra Hakimiyyəti başçısı Aparatının əməkdaşları, bələdiyyə sədrləri, həmçinin idarə və müəssisə rəhbərləri iştirak ediblər. Burada vətəndaşların müraciətləri tək-tək dinlənilib. Onların arasında çoxmənzilli yaşayış binalarının həyətlərinin abadlaşdırılması, şəhərin bir sıra ərazilərində ATM-lərin quraşdırılması, işlə təminat, müalicə üçün maddi yardımın göstərilməsi və s. məsələlər yer alıb.
Əksər müraciətlər yerindəcə öz həllini tapıb, digərlərinin araşdırılaraq, aradan qaldırılması üçün aidiyyəti üzrə tapşırıqlar verilib.
