Gəncə Şəhər İcra Hakimiyyətinin başçısının sakinlərlə görüşü baş tutub. Bu haqda 12 iyun tarixində İcra Hakimiyyətinə istinadən xəbər veririk.
Niyazi Bayramov növbəti dəfə sakinlərlə görüşüb. Burada YAP Gəncə Şəhər Təşkilatının sədri Bayram Aslanov, aparatın məsul əməkdaşları, millət vəkili Müşfiq Cəfərov, bələdiyyə sədrləri, həmçinin idarə və müəssisə rəhbərləri iştirak ediblər.
5 nömrəli tam orta məktəbdə keçirilən görüşdə vətəndaşların müraciətləri tək-tək dinlənilib. Müraciətlər arasında işlə təminat, fərdi yaşayış evinin təmirinə köməklik göstərilməsi və sairə məsələlər yer alıb. Dilə gətirilən əksər müraciətlər yerindəcə öz həllini tapıb, digərlərinin araşdırılaraq, qanunamüvafiq formada aradan qaldırılması üçün aidiyyəti üzrə tapşırıqlar verilib.
