Gəncədə səyyar görüş baş tutub. Bu haqda 22 dekabr tarixində İcra Hakimiyyətinə istinadən məlumat veririk.
İcra başçısı Niyazi Bayramov Azərbaycan Dövlət Aqrar Universitetində vətəndaşları qəbul edib. Onunla birgə görüşdə İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Sakinlər onları narahat edən məsələləri səsləndiriblər. Onların arasında işlə təminat, mənzil uçotuna götürülmə, fərdi yaşayış evinin təmiri, müalicə və s. məsələlər üstünlük təşkil edib.
Müraciətlərin əksəriyyəti yerindəcə öz həllini tapıb, bəziləri isə araşdırılaraq, həll edilməsi üçün qeydiyyata götürülüb.
