Gəncədə qəsəbələrdən biri baxımsız haldadır. Bu haqda Gencexeber.az-a 28 may tarixində məlumat daxil olub.
Söhbət Gülüstan qəsəbəsindən gedir. Adıçəkilən ərazidə binaların qarşısında asfalt örtüyü mövcud deyil. Onların sözlərinə görə, bir müddət əvvəl bura asfalt örtüyü çəkilib, yalnız işlər müəyyən bir yerə qədər aparılıb. Qəsəbənin digər hissəsi isə asfaltsız qalıb. Bu da sakinlərin etirazına səbəb olub.
Qəsəbənin cari vəziyyəti nəqliyyat vasitələrinin və burada yaşayan sakinlərin hərəkətində çətinlik yaradır. “Yağış yağanda bura palçıq içində olur. Ərazidən keçmək olmur”, – deyə onlar qeyd ediblər. Sakinlər məhəllənin abadlaşdırılmasını arzu edirlər.
