Narkomaniya və Narkobiznesə Qarşı Mübarizə ilə bağlı Ticarət və Xidmət üzrə Gəncə Dövlət Peşə Təhsil Mərkəzində tədbir keçirilib. Bu haqda 28 may tarixində Regional Gənclər və İdman İdarəsinə istinadən xəbər veririk.
"Narkomaniya və müasir gənclik" başlıqlı dəyirmi masa təşkil olunub. Burada filialın müdiri narkomaniyanın 21-ci əsrin ən qlobal problemləri sırasında qaldığını, narkomaniya və narkobiznesə qarşı mübarizədə bütün cəmiyyətin birgə mübarizəsinin ilboyu aparılmasının vacibliyini deyib.
Dəyirmi masada narkomaniya və narkobiznesin təkcə insanların sağlamlığında, mənəviyyatında deyil, ailə və icmaların dağılması, münaqişə və müharibə ocaqlarının, terrorçu mərkəzlərinin, cinayətkar qrupların yaranması, silah alveri sahələrində də mühüm amil rolunu oynadığı haqqında ətraflı məlumat verilib. Tədbiri keçirməkdə məqsəd bütün yeniyetmələri sağlam həyat tərzi keçirməyə, kitablardan, maraqlı insanlarla ünsiyyətdən zovq almağa, faydalı bilik və bacarıqlarını artırmağa çağırmaqdır. Sonda narkomaniyaya aid videoçarx nümayiş olunub.
