YAP Gəncə Şəhər Təşkilatının, Gənclər Evinin, Gənclərin İnkişaf və Karyera Mərkəzinin regional nümayəndəliyinin birgə təşkilatçılığı ilə yarış keçirilib. Bu haqda 11 may tarixində Gənclərin İnkişaf və Karyera Mərkəzinin Regional nümayəndəliyinə istinadən xəbər veririk.
“Heydər Əliyev irsini öyrənirik” adlı intellektual yarış keçirilib. Müsabiqə "Nə? Harada? Nə zaman?" formatında təşkil olunub. Burada şəhərimizdə yerləşən ali və orta ixtisas təhsili müəssisələrini və idarələri təmsil edən gənclərdən ibarət 9 komanda iştirak edib.
Yekunda Gənclər Evini təmsil edən komanda I yerə, Azərbaycan Dövlət Aqrar Universitetini təmsil edən komanda II yerə, Gənclərin İnkişaf və Karyera Mərkəzinin Gəncə-Daşkəsən regional nümayəndəliyini təmsil edən komanda isə III yerə sahib olub.
