Gəncədə ödənişsiz əyləncəli tədbir keçiriləcək.
Gencexeber.az-a Gəncə Şəhər İcra Hakimiyyəti tərəfindən verilən məlumata görə, Gəncədə “Azərlotereya”nın yay kampaniyası çərçivəsində rəngarəng və əyləncəli tədbir təşkil olunacaq. Avqustun 14-də saat 14:00-da Heydər Əliyev Park-Xiyaban Kompleksində start götürəcək “Azərlotereya Şans Karvanı”nda şəhər sakinlərini musiqili şou-proqram, maraqlı oyunlar və bol hədiyyələr gözləyir.
Tədbirin xüsusi qonağı məşhur müğənni Damla olacaq. İştirakçılar gün boyu müxtəlif əyləncəli fəaliyyətlərdə yer ala biləcək, saat 19:00-da isə sevilən ifaçının iştirakı ilə konsert proqramı keçiriləcək.
Tədbirə giriş sərbəstdir.
