Gəncədə müəllimlər voleybol birinciliyində qüvvələrini sınayıblar. Bu haqda 13 noyabr tarixində Kəpəz televiziyasına istinadən xəbər veririk.
Regional Gənclər və İdman və Təhsil idarələrinin birgə təşkilatçılığı ilə orta məktəblərin fiziki tərbiyə müəllimləri arasında voleybol birinciliyi baş tutub. Yarış Heydər Əliyevin anadan olmasının 101-ci ildönümünə həsr edilib.
Birincilik 39 saylı məktəbdə təşkil edilib. Burada məqsəd voleybol idman növünün kütləviliyinə nail olmaq və təhsil işçiləri arasında dostluq münasibətlərini möhkəmləndirməkdir. Yarışın sonunda qalib və mükafatçı komandaların üzvləri diplom və kubokla mükafatlandırılıblar.
