Gəncədə xəsarətlə nəticələnən yol-nəqliyyat hadisəsi olub. Bu haqda 15 may tarixində Report-a istinadən xəbər veririk.
Hadisə Vəli Xuluflu küçəsində baş verib. 26 yaşlı Şahbaz Cəlilovun idarə etdiyi motosiklet binanın divarına çarpılıb. Nəticədə sürücü motosikletdə sıxılı vəziyyətdə qalıb.
Qəza yerinə nazirliyin Gəncə Regional Mərkəzinin xilasediciləri cəlb ediliblər. Xilasedicilər motosikletdə sıxılı vəziyyətdə qalan sürücünü xüsusi vasitələrlə xilas ediblər. Daha sonra onu təcili tibbi yardım briqadasına təhvil veriblər.
