Payız-qış mövsümünə hazırlıq işləri çərçivəsində Mənzil-Kommunal Təsərrüfatı İstehsalat Birliyi (MKTİB) tərəfindən Gəncə şəhərində yaşayış binalarının dam örtüklərində və novdanlarında yarana biləcək fəsadların aradan qaldırılması işləri həyata keçirilib.
Gencexeber.az bildirir ki, bu barədə MKTİB məlumat yayıb.
Şəhərin Dədə Qorqud küçəsində və Şah İsmayıl Xətai, Nəriman Nərimanov, Nizami Gəncəvi prospektində yerləşən çox mənzilli yaşayış binaları, həmçinin müxtəlif ünvanlarda yerləşən fərdi evlərdə
qarşıdakı mövsümdə havaların qeyri-sabit və yağıntılı keçəcəyi nəzərə alınaraq dam örtüklərinin və novdanlarının qəzalı hissələrində təmir işləri həyata keçirilib, tam yararsız novdanlar yeniləri ilə əvəz edilib.
Bundan başqa MKTİB-nin mütəxəssisləri tərəfindən yağış sularının normal axınına maneəçilik törədən toz-torpaq, xəzəl və bərkimiş palçıq kütləsi də dam örtüklərindən və novdanlardan təmizlənib.
Qeyd olunub ki, bu kimi analoji işlər şəhərin digər ünvanlarında da davam etdiriləcək.
[caption id="attachment_70864" align="alignnone" width="696"]
[/caption]
[caption id="attachment_70865" align="alignnone" width="696"]
[/caption]
[caption id="attachment_70866" align="alignnone" width="696"]
[/caption]
