Gəncədə bir sıra ərazilərdə təmizlik aksiyası təşkil olunub. Bu haqda 16 may tarixində MKTİB-yə istinadən məlumat veririk.
Şəhərimizdə yağıntılı hava şəraitinin davam etməsi, leysan yağması və çaylarda sululuğun artacağını nəzərə alaraq, suvarma kanallarında təmizlik işləri aparılıb. Mənzil Kommunal Təsərrüfatı İstehsalat Birliyinin canlı qüvvəsi və texnikaları vasitəsilə arxlarda məişət və digər tullantılar təmizlənib, yığılan zibillər ərazidən daşınıb.
Bundan başqa, kanalların üzərində yerləşən dəmir yolu, piyada və avtomobil körpülərinin ətrafları da təmizlənib. Ərazilərdəki zibil qutuları boşaldılaraq, ətrafında səliqə-sahman yaradılıb.
