Gəncədə təmizlik aksiyası keçirilib. Bu haqda 9 yanvar tarixində Mənzil Kommunal Təsərrüfatı İstehsalat Birliyinə istinadən məlumat veririk.
MKTİB-nin texnikaları və Ərazi Xidmət Sahələrinin əməkdaşları ötən gün "Totanlı dairəsi" deyilən ərazidən Gəncə Mərkəzi Klinikasının ətraf ərazilərinə qədər təmizlik işləri aparıblar. Aksiya, həmçinin şəhərin Bağbanlar, Rafiq Həsənəliyev və Bağbanlar küçəsi ilə kəsişən küçə, eləcədə döngələri əhatə edib.
Adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib, ağaclar budanıb. Bununla yanaşı, məişət tullantılarının atılması üçün nəzərdə tutulan müxtəlif tutumlu konteynerlərin və zibil qutularının ətrafı da yığışdırılıb.
