Gəncədə binaların dam örtükləri dəyişdirilir. Bu haqda 16 dekabr tarixində Mənzil Kommunal Təsərrüfatı İstehsalat Birliyinə istinadən məlumat veririk.
Təmir-tikinti və qəza xidməti şöbəsi binaların dam örtüklərində, novdanlarında, pilləkən və eyvanlarında qəzalı halları aradan qaldırır. Bildirilib ki, hazırda işlər Heydər Əliyev və Şah İsmayıl Xətai prospektlərində, Gülüstan, Yeni Gəncə, Mahrasa bağı yaşayış massivlərində, həmçinin 1, 3 və 4 -cü mikrorayonlarda aparılır.
Qeyd edək ki, bu il 220 yaşayış binasının dam örtüyü dəyişdirilib.
