XX əsr Azərbaycan ədəbiyyatının görkəmli nümayəndələrindən biri, “kiçik hekayənin böyük ustası” kimi tanınan yazıçı Mir Cəlalın Gəncədəki Ev-muzeyində tədbir olub. Bu haqda 15 iyun tarixində Azərtac-a istinadən xəbər veririk.
Tədbirə toplaşan ədəbiyyatsevərlər, Mədəniyyət Nazirliyinin regional idarəsinin rəsmiləri, Azərbaycan Yazıçılar Birliyinin Gəncə bölməsinin üzvləri, Gəncə şəhərində yerləşən mədəniyyət və ali təhsil ocaqlarının nümayəndələri iştirak ediblər. “Azərbaycan ədəbiyyatında hekayəçilik janrı” mövzusunda fikir mübadiləsi apararaq bu ədəbi istiqamətin yaranma və inkişaf tarixinə nəzər salıb, Əbdürrəhim bəy Haqverdiyev, Cəlil Məmmədquluzadə kimi ədiblərin məktəbinin davamçısı olan Mir Cəlalın hekayəçilikdəki özünəməxsus irsini xatırlayıblar.
Daha sonra Uşaq İncəsənət Məktəbinin müəllim və şagirdləri Azərbaycan bəstəkar mahnılarından ibarət konsert proqramı ilə çıxış ediblər.
