Gəncədə 1 nəfərin xəsarət alması ilə nəticələnən yol-nəqliyyat hadisəsi baş verib. Bu haqda 20 iyun tarixində Unikal.az-a istinadən xəbər veririk.
Hadisə şəhərin Yeni Gəncə yaşayış massivində qeydə alınıb. Qadın sürücünün idarə etdiyi "Chevrolet" markalı minik maşını motosikletlə toqquşub.
Qəza nəticəsində motosikletin 23 yaşlı sürücüsü Raqif Allahverdi oğlu Mahmudi xəsarət alıb. Həmin şəxs xəstəxanaya yerləşdirilib.
Faktla bağlı araşdırma aparılır.
