İcra Hakimiyyətinin təşkilatçılığı və Gəncə Dövlət Filarmoniyasının dəstəyi ilə konsert proqramı keçirilib. Bu haqda 15 iyun tarixində İcra Hakimiyyətinə istinadən xəbər veririk.
15 İyun – Milli Qurtuluş Gününə həsr olunmuş konsert proqramı təşkil edilib. Burada bildirilib ki, iyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan ümummilli lider Heydər Əliyevdir.
Bayram konsertində Sənan Cavadovun rəhbərlik etdiyi “Xəmsə” Rəqs Ansamblı, Əməkdar artist Kəmalə Tağıyeva, Filarmoniyanın solistləri Vasif Bayramov, İlham Qasımov və Rövşən Məmmədov çıxışlar ediblər.
