Gəncə Şəhər İcra Hakimiyyəti başçısının birinci müavini, Aparatın məsul əməkdaşları, QMİ Qazılar Şurasının üzvü Hacı Tahir Abbasov və “Gəncə Şəhər Birləşmiş Xəstəxanası” PHŞ-nin direktoru İlkin İsmayılov Milli Qəhrəman Natiq Qasımovun anası Dursun Qasımovanın səhhəti ilə maraqlanıblar. Bu haqda 15 iyul tarixində İcra Hakimiyyətinə istinadən xəbər veririk.
Görüşdə Milli Qəhrəman Natiq Qasımovun keçdiyi şərəfli döyüş yolundan bəhs olunub. Vətən uğrunda canından keçən bütün şəhidlərimizə Allahdan rəhmət, ailələrinə səbir diləyiblər.
Qeyd edək ki, Milli Qəhrəmanın anası həkim-terapevt və həkim-cərrah tərəfindən evində müayinə olunub, ilkin olaraq təyin edilən dərman preparatları ilə təmin edilib. Hazırda Dursun xanım ambulator müalicə alır. Bundan əlavə, Milli Qəhrəman Natiq Qasımovun ailəsinə maddi yardım da göstərilib.
