Azərbaycan Texnologiya Universitetin və Dövlət Məşğulluq Agentliyinin birgə təşkilatçılığı ilə Gəncədə əmək yarmarkası baş tutub. Bu haqda 30 may tarixində İcra Hakimiyyətinə istinadən xəbər veririk.
“Məzun–2024” əmək yarmarkasında Azərbaycan Dəmir Yolları, Azərbaycan Yerüstü Nəqliyyat Agentliyi, Azərbaycan Qida Təhlükəsizliyi Agentliyi, ASAN xidmət, BP, Coca-Cola, McDonalds, Paşa Bank, Kapital Bank, Azərbaycan Beynəlxalq Bankı, Bakcell, Nar, AzerGold, Azərşəkər, Azersun, Azəralüminium, Gəncə Avtomobil Zavodu, Qəbələ Konserv Zavodu, AzGranata, Şirvan Şərabları, Mingəçevir Tekstil, Gəncə Tekstil, Ulduz Şokolad Fabriki, Veysəloğlu, 5 ulduzlu Çinar, Qarabağ və Qaşaltı hotelləri və digər müəssisələr tərəfindən 500-dən çox vakansiya təqdim edilib.
Tədbir çərçivəsində ATU-nun əməkdaşlıq etdiyi müəssisələrdən olan “Bakcell” şirkəti tərəfindən Ümumi Orta Müvəffəqiyyət Göstəricisi yüksək olan bir qrup məzuna hədiyyələr verilib. Rəsmi hissədən sonra məzunlar müəssisələrin stendlərinə yaxınlaşıb, təklif edilən vakansiyalarla tanış olub, təmsilçilərə şəxsi məlumatlarını, CV formalarını təqdim ediblər.
