Gəncədə məşğulluqla bağlı tədbir təşkil olunub. Bu haqda 16 may tarixində İcra Hakimiyyətinə istinadən məlumat veririk.
Görüş “NEON” firmasında baş tutub. Burada icra başçısının müavini Adil Tağıyev, Dövlət Məşğulluq Agentliyinin Gəncə-Daşkəsən Məşğulluq filialının, Dövlət Sosial Müdafiə Fondunun Gəncə-Daşkəsən Regional filialının, Dövlət Əmək Müfəttişliyi Xidmətinin Gəncə-Daşkəsən Regional şöbəsinin, Dövlət İdarələri və İctimai Xidmət İşçiləri Həmkarlar İttifaqı Gəncə Şəhər Komitəsinin, şəhər ərazisində yerləşən bələdiyyələrin və “NEON” firmasının əməkdaşları iştirak ediblər.
Tədbirdə qeyri-formal məşğulluğun qarşısının alınması istiqamətində qanunvericilikdə nəzərdə tutulan imkanlar və sanksiyalarla bağlı müzakirələr aparılıb. İclasda işsizliyin azaldılması məqsədilə işaxtaran və ya işsiz şəxslərə müvafiq bilik və bacarıq verməklə, qısa müddətdə əmək bazarının tələblərinə cavab verən ixtisaslı kadrların hazırlanmasında peşə hazırlığının əhəmiyyətindən danışılıb.
