Gəncədə Heydər Əliyev Mərkəzinə səfər edilib. Bu haqda 10 may tarixində mərkəzə istinadən məlumat veririk.
Şəhər 44 nömrəli məktəb-liseyin, 26 nömrəli məktəb-liseyin, Samux rayon Qarayeri qəsəbəsi 1 nömrəli məktəb-liseyin müəllim və şagirdləri və "Ağıllı balalar" uşaq bağçasının körpələri üçün ekskursiya təşkil olunub. Tədbir Heydər Əliyevin anadan olmasının 101 illiyi ilə əlaqədar keçirilib. Onlar Nizami yurdunda yerləşən Heydər Əliyev Mərkəzini ziyarət ediblər.
Burada mərkəzin əməkdaşları qonaqlara ümummilli liderin zəngin həyat yolunu, çoxşaxəli fəaliyyətini əks etdirən eksponatlar haqqında ətraflı məlumat veriblər.
