Gəncədə məktəblilər üçün tədbir təşkil olunub. Bu haqda 3 may tarixində Tarix-Mədəniyyət Qoruğuna istinadən məlumat veririk.
10 nömrəli tam orta məktəbdə baş tutan tədbir Gəncə Dövlət Tarix- Mədəniyyət Qoruğunun təşkilatçılığı ilə keçirilib. Burada 100-dən çox şagird iştirak edib.
Öncə məktəbin tarix müəllimi Günel Əhmədova şəhərimizin tarixi və tarixi əhəmiyyətli abidələri haqqında danışıb. Daha sonra qoruğun elmi işçisi Aynur Həsənova, ekskursiyaçı Sürahi Qaffari şagirdlərə Gəncə Dövlət Tarix-Mədəniyyət Qoruğu və Qoruq ərazisində yerləşən abidələr barədə məlumat veriblər.
Qeyd edək ki, tədbirin məqsədi Gəncə Dövlət Tarix-Mədəniyyət Qoruğunun təbliği və təşviqi olub.
