Gəncədə məktəblərdə gimnastika təşkil olunub. Bu haqda 27 fevral tarixində məktəblərə istinadən məlumat veririk.
5 mart - Bədən Tərbiyəsi və İdman Günü ərəfəsində 27 fevral - 3 mart tarixlərində idman həftəsi keçirilir. Bu səbəbdən 5, 19, 31 və bir sıra digər məktəblərdə dərslərdən öncə şagirdlər həyətdə toplaşıblar. Onlar idman müəllimləri ilə birgə gimnastika ediblər.
Məqsəd şagirdləri sağlam həyat tərzinə istiqamətləndirmək, onların asudə vaxtının səmərəli təşkili, idmana olan marağının artırılması, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafıdır.
