Fikrət Əmirov adına Gəncə Dövlət Filarmoniyasında bədii qiraət axşamı baş tutub. Bu haqda 3 may tarixində Gəncə Dövlət Filarmoniyasına istinadən xəbər veririk.
"Urbanda görüşərik" layihəsi çərçivəsində növbəti dəfə "Qiraət axşamı" təqdim edilib. Bu dəfəki gecə dahi Azərbaycan şairi və mütəfəkkiri, Azərbaycan ədəbi-bədii fikrinin inkişafında müstəsna rol oynayan Məhəmməd Füzulinin anadan olmasının 530 illiyinə həsr olunub.
Tədbirin aparıcısı Xuraman Ağayeva, qiraətçilər: İmamverdi Vəliyev, Gülnarə Sadiq, Zahirə Bədəlova, Vüsal Hicran, Zülfiyyə Yaqub dahi şairin qəzəllərini səsləndiriblər. Daha sonra gənc vokalçı Qaya Nəsibzadə sözləri Məhəmməd Füzuliyə, musiqisi görkəmli bəstəkar Süleyman Ələsgərova məxsus "Vətənimdir" romansını ifa edib.
