Gəncədə regional konfransın ikinci yığıncağı keçirilib. Bu haqda 27 iyul tarixində İcra Hakimiyyətinə istinadən məlumat veririk.
İcra Hakimiyyətinin dəstəyi, Dini Qurumlarla İş üzrə Dövlət Komitəsinin təşkilatçılığı ilə “Müasir çağırışlar və qarşıda duran əsas hədəflər” mövzusunda üçgünlük regional konfrans təşkil olunur. İkinci günündə DQİDK və İH-nin rəsmi şəxsləri, şəhərdə fəaliyyət göstərən qurumların rəhbərləri, ictimaiyyət nümayəndələri, 2 saylı Gəncə ASAN Xidmət Mərkəzinin könüllüləri iştirak ediblər.
Burada DQİDK-nın Gəncə bölgəsi üzrə şöbəsinin müdiri Həsən Məmmədov, komitənin Dini qurumlarla iş üzrə şöbəsinin müdiri Cahandar Əlifzadə, İH-nin İctimai-siyasi və humanitar məsələlər şöbəsinin müdir müavini, dini qurumlarla işin təşkilatçısı Abuzər Zeynalov və Regional Gənclər və İdman Baş İdarəsinin rəisi İntiqam Hüseynovun çıxışları baş tutub.
Daha sonra sənədli film nümayiş olunub və kitab sərgisi keçirilib.
