Gəncədə ağaclardan biri qəzalı vəziyyətdədir. Bu haqda Gencexeber.az-a 14 may tarixində məlumat verilib.
Sözügedən hal şəhərin Xudadat bəy Rəfibəyli küçəsində müşahidə olunur. Sakinlərin sözlərinə görə, burada yerləşən ağaclardan biri yıxılma təhlükəsi ilə üzləşib. Onlar bildirirlər ki, məsələ ilə bağlı aidiyyəti qurumlara müraciət olunub, lakin heç bir tədbir görülməyib.
“Ağac neçə vaxtdır bu vəziyyətdədir. Yıxılsa, maşınlar, insanlar altında qala bilər. Bundan başqa, yeni çəkilmiş elektrik naqilləri də qırılacaq. Aidiyyəti qurumların tədbir görməsini istəyirik”, - deyə onlar qeyd ediblər.
