Gəncədə boru partlayan yer bir müddətdir açıq qalıb. Bu haqda Gencexeber.az-a 31 iyul tarixində məlumat daxil olub.
Söhbət şəhərin Mahrasa bağından gedir. Bir müddət öncə Dədə Yediyar küçəsində sakinləri içməli su ilə təchiz edən borunun partlaması barədə məlumat vermişdik. Sakinlərin sözlərinə görə, həmin ərazidə 20 gün öncə uzun cığır qazılıb və yeni boru salınıb. Lakin üstü örtülməyib.
“Ayın əvvəlində gəlib təmir üçün qazdılar. Neçə vaxtdır küçənin yarısı eyni vəziyyətdədir. Axşam qaranlıqda istər uşaqlar, istərsə də böyüklər yıxıla bilərlər, təhlükə mənbəyidir. Küçənin təmir olunmasını istəyirik”, - deyə sakinlər qeyd ediblər.
