Gəncədə onlayn təlim baş tutub. Bu haqda 23 sentyabr tarixində KOBİM-ə istinadən xəbər veririk.
"Hotelçilik sahəsində müştəri məmnuniyyəti və davranış qaydaları" mövzusunda maarifləndirici təlim KOBİM tərəfindən təşkil olunub. Tədbirdə KOBİM-in eksperti vətəndaş məmnuniyyəti və etik davranış, ünsiyyət modelləri və şəxsiyyət tipləri, stresin idarə olunması, dinləmə və izahetmə bacarıqları, konfliktli halların idarə olunması barədə ətraflı məlumat verib.
Həmçinin təlimdə sahibkarlara müştəri məmnuniyyətinin biznesdə əhəmiyyəti, xidmət səviyyəsi, Kano modeli və etik davranış qaydalarının məqsədləri haqqında danışılıb.
Tədbirin sonunda iştirakçıların sualları cavablandırılıb.
