Gəncənin "Kəpəz" Futbol Akademiyasında Futbolun İnkişaf Fondunun təşkilatçılığı ilə Strateji İnkişaf Seminarı keçirilib. Bu haqda 7 may tarixində futbol klubuna istinadən xəbər veririk.
Tədbirdə klubumuzun rəhbərliyi və nümayəndələri iştirak ediblər. Bura digər Premyer Liqa klubu “Turan Tovuz”, həmçinin aşağı liqa təmsilçilərindən “Mingəçevir”, “Karvan”, “Göygöl” və “Ağdaş” klublarının nümayəndələri də qatılıblar. Fondun Himayəçilər Şurasının üzvü Sona Abbasovanın mentorluğu ilə baş tutan seminara özəl sektordan müvafiq sahənin mütəxəssisləri də cəlb ediliblər. Həmçinin AFFA-nın baş katibinin müavini Kamran Vəliyev "AVRO 2020-nin təşkili, maraqlı tərəflərlə kommunikasiya və irs" mövzusunda təqdimatla çıxış edib.
Seminarda qeyd edilib ki, Futbolun İnkişaf Fondu 2024-cü ildə hazırkı əməkdaşlıqları qorumaqla Premyer Liqa, 1-ci Liqa və 2-ci Liqada mübarizə aparan bütün region təmsilçilərinə dəstək göstərməyi qarşısına məqsəd qoyub. Bununla əlaqədar klublar regionlara əsasən, dörd qrupa bölünüb və qarşıdakı illər ərzində onlara strateji planlama, marketinq/kommunikasiya və gəlir sahələri üzrə dəstək göstəriləcək.
