Gəncədə gənclər üçün təşkil olunan layihə başa çatıb. Bu haqda 21 dekabr tarixində Gənclər və İdman Nazirliyinə istinadən məlumat veririk.
Gənclər və İdman Nazirliyinin maliyyə dəstəyi və “Gələcəyə Körpü” Gənclər İctimai Birliyinin təşkilatçılığı ilə “Region gənclərinin kiçik sahibkarlıq və biznes fəaliyyətlərinin dəstəklənməsi” layihəsi keçirilib. Burada Gəncə və ətraf rayonlardan seçilmiş 25 gənc iştirak edib.
Layihə çərçivəsində təlimçilər tərəfindən “Biznes təşəbbüskarlığı və iş fikrinin inkişafı”, “Biznes fəaliyyətində brendləşmə” və “Maliyyə sahəsi üzrə ilkin məlumatlar və sahibkarlıq fəaliyyətinin qeydiyyatı” mövzularını əhatə edən təlim kursu keçirilib.
