Gəncə-Daşkəsən Regional Təhsil İdarəsinin kargüzarlıq işinə məsul olan əməkdaşlarının iştirakı ilə təlim keçirilib. Bu haqda 23 may tarixində Regional Təhsil İdarəsinə istinadən xəbər veririk.
Kargüzarlıq işinin təkmilləşdirilməsi ilə bağlı onlayn təlim təşkil olunub. Burada sənədlərin hazırlanması üçün ümumi tələblər, sənədlərin tərtibi, rəsmiləşdirilməsi məqamlarına aydınlıq gətirilib, təlimdə sənədlərin icrasına nəzarətin təşkili, kompüter sənədlərinə dair tələblər haqda geniş məlumat verilib.
Təlim burada iştirak edən şəxsləri maraqlandıran sualların cavablandırılmasından sonra yekunlaşıb.
