Gəncədə zəncirvari yol-nəqliyyat hadisəsi baş verib. Bu haqda Gencexeber.az-a 11 may tarixində məlumat daxil olub.
Hadisə Atatürk prospekti ilə Abbasqulu Abbaszadə küçəsinin kəsişməsində qeydə alınıb. Sakinlərin sözlərinə görə, işıqforun qırmızı işığında hərəkətini davam etdirən “Toyota Corolla” avtomobili küçə ilə hərəkət edən “Mercedes”lə toqquşub. Daha sonra birinci nəqliyyat vasitəsi prospektdə yol kənarında dayanan “Mercedes”, “VAZ-2107”, “BMW” avtomobillərinə çarpılıb.
Qəza zamanı xəsarət alan olmayıb. Əraziyə polis və sığorta əməkdaşları cəlb olunublar.
Faktla bağlı araşdırma aparılır.
