Gəncədə Kərkicahan şəhidlərinin xatirəsi anılıb. Bu haqda 29 dekabr tarixində Apa-ya istinadən məlumat veririk.
Anım tədbiri Gəncədə, Xankəndi sakinlərinin müvəqqəti məskunlaşdığı qəsəbədə baş tutub. “Qarabağa dönüş” İctimai Birliyinin təşkilatçılığı ilə keçirilən yığıncaqda Xankəndi sakinləri, şəhid ailələri, qazilər, “Müharibə Veteranları” İctimai Birliyinin üzvləri, Xocalı rayon İcra Hakimiyyətinin təmsilçiləri və ictimaiyyət nümayəndələri iştirak ediblər.
Kərkicahan İcra nümayəndəsi Dərgah Haqverdiyev ermənilərin törətdikləri vəhşiliklərdən, azərbaycanlılara qarşı həyata keçirilən soyqırımlardan danışıb. Tədbirdən sonra şəhidlərin ruhuna ehsan verilib.
