Gəncədə bir sıra küçələr axşam saatlarında işıqlandırılmır. Bu haqda Gencexeber.az-a 11 yanvar tarixində məlumat daxil olub.
Bu hal müşahidə olunan ərazilər arasında İsmət Qayıbov küçəsi, birinci döngə, Məhəmməd Pişnamazzadə və Firdovsi küçələri də yer alır. Adıçəkilən ərazilər hava qaraldıqdan sonra qaranlığa qərq olur. Sakinlər axşam saatlarında çətinlik çəkdiklərini bildirirlər.
“İşdən gec çıxanlar, hazırlıqdan gələn uşaqlar və ya hər hansısa işi olub evdən çıxanlar ayağının altını görmür. Küçələr çox qaranlıq olur. Bəzən kiminsə evinin qarşısında işıq yanır, o da çox balaca ərazini işıqlandırır. Hava qaralandan sonra göz gözü görmür. Bu küçələrin işıqlandırılmasını arzu edirik”, - deyə sakinlər şikayət edirlər.
Həmçinin sakinlər Xan bağının da yaxşı işıqlandırılmadığını bildirirlər. Küçələrdən fərqli olaraq, burada işıq dirəkləri var və axşam saatlarında yandırılır. Lakin işıq ətrafa yetərincə yayılmır.
[modula id="30844"]
