Gəncədə məktəblilər üçün təlim təşkil olunacaq. Bu haqda 15 may tarixində Dövlət Məşğulluq Agentliyinə istinadən məlumat veririk.
Təlim Dövlət Məşğulluq Agentliyinin Mərkəzi Karyera filialının təşkilatçılığı ilə keçirilən “İxtisas bələdçisi” layihəsi çərçivəsində baş tutacaq. Nizami yurdunda görüşlər 12 və 4 nömrəli məktəblərdə təşkil olunacaq. Tədbirlər 24 may tarixində müvafiq olaraq, saat 10:00 və 13:00-da keçiriləcək. Burada şagirdlər üçün seminarlar baş tutacaq və sualları olan məktəblilərə fərdi konsultasiyalar ediləcək.
Qeyd edək ki, layihənin məqsədi ölkə məktəblərində təhsil alan şagirdləri ixtisas seçimi, karyera planlaması mövzularında maarifləndirmək, ixtisas seçimi ilə bağlı ünvanlanan sualları cavablamaqdır.
