Gəncədə "Müasir dövrün peşələri" adlı görüş baş tutub. Bu haqda 29 sentyabr tarixində Regional Təhsil idarəsinə istinadən xəbər veririk.
Azərbaycan Dövlət Aqrar Universitetinin rektoru Zəfər Qurbanov və əməkdaşları, Gəncə-Daşkəsən Regional Təhsil İdarəsinin müdiri Anar Qədiməliyev və idarə əməkdaşları IX-XI sinif şagirdləri ilə görüşüblər. Tədbirdə yeniyetmələr müasir peşələr, peşə seçimləri, insan resursları, təcrübə və karyera mərkəzi barədə məlumatlandırılıblar.
Görüşdə çıxış edən Anar Qədiməliyev və Zəfər Qurbanov innovativ yeniliklər və tələbələr üçün yaradılan şərait barədə ətraflı məlumat veriblər.
Tədbirin sonunda aktiv iştirak edən şagirdlərə hədiyyələr təqdim edilib.
