Gəncədə Sovet İttifaqı Qəhrəmanının xatirəsi anılıb. Bu haqda 8 may tarixində ADAU-ya istinadən məlumat veririk.
Azərbaycan Dövlət Aqrar Universitetinin İctimai fənlər kafedrasının bir qrup əməkdaşı İsrafil Məmmədovun Xan bağında yerləşən məzarüstü abidəsinə baş çəkiblər. Burada faşizm üzərində qələbənin 79-cü ildönümünə həsr olunmuş tədbir keçiriblər.
Öncə məzar önünə əklil qoyulub. Sonra ictimai fənlər kafedrasının müdiri Elgün Aslanov çıxış edib. Kafedranın əməkdaşları Əbdürrəhman Kazımov, Azər Axundov və Sevda Abdullayeva vurğulayıblar ki, İkinci Dünya müharibəsi illərində Azərbaycan xalqı həm cəbhə bölgələrində, həm də arxa cəbhədə böyük qəhrəmanlıq və igidlik nümunələri göstərib.
Tədbirdə I kurs tələbələri Bahar Osmanova və Nuray Bayramova mövzu ətrafında çıxışlar edib, şeir parçaları səsləndiriblər.
