Gəncədə kəsişmələrin birində işıqforlar işləmir. Bu haqda Gencexeber.az-a 7 iyun tarixində məlumat daxil olub.
Sözügedən hal Adilxan Ziyadxanov küçəsi ilə Atatürk prospektinin kəsişməsində və Şah İsmayıl Xətai prospektində müşahidə edilir. Burada kəsişmədə hərəkət tənzimləyiciləri fəaliyyətsizdir.
Bu səbəbdən sürücülər avtomobillərini idarə etməkdə çətinliklə üzləşirlər. Onlar bildiriblər ki, küçə ilə prospektin kəsişməsində işıqforların işləməməsi ərazidə qəzaya da səbəb olub. Məsələnin tezliklə həll olunmasını istəyirlər.
