"İnsan alverinə qarşı mübarizədə fəal ol" başlıqlı onlayn maarifləndirici konfrans keçirilib. Bu haqda 8 may tarixində Gənclər Evinə istinadən xəbər veririk.
Tədbir 24 saylı Kitabxanada təşkil edilib. Burada konfransı açan kitabxana filialının müdiri mayın 6-sının ölkəmizdə İnsan Alverinə Qarşı Mübarizə Günü kimi qeyd edildiyini bildirib. Tədbirdə insan alveri qurbanlarının hüquqlarının , ləyaqət və toxunulmazlıqlarının pozulması və onların köləyə çevrilməsinin səbəbləri barədə danışılıb. Daha sonra insan alverinə qarşı mübarizə üçün beynəlxalq səviyyədə xeyli anlaşma, protokol, dövlətlərarası qarşılıqlı yardım sənədləri və konversiya imzalandığı qeyd edilib.
Konversiyanın və Azərbaycan Respublikası Cinayət Məcəlləsinin maddələri haqqında ətraflı məlumat verilib. Sonda insan alverinin qurbanlarına aid videoçarx nümayiş etdirilib.
