Gəncə şəhərində “İmamzadə” Ziyarətgah Kompleksinə xüsusi nəqliyyat hərəkət edəcək. Bu haqda 13 iyul tarixində İcra Hakimiyyətinə istinadən xəbər veririk.
“Tasua” və “Aşura” mərasimləri mərkəzləşdirilmiş qaydada “İmamzadə” Ziyarətgah Kompleksində keçiriləcək. Ziyarətçilərin “İmamzadə“yə daşınması üçün xüsusi avtobuslar ayrılacaq. 15 iyul tarixində saat 17:00-dan 16 iyul saat 15:00-dək ayrılmış avtobuslar şəhərin dörd istiqamətindən - Təbriz prospekti ilə Mir Cəlal Paşayev küçəsinin kəsişməsindən (“Xan Arxı”nın üstü), “İstiqlal” parkının, Mərkəzi Univermağın, “Gəncə Şəhər Birləşmiş Xəstəxanası” PHŞ-nin Kardioloji Xəstəxanasının qarşısından və Üzeyir Hacıbəyov küçəsi ilə Zülfü Hacıyev küçəsinin kəsişməsindən “İmamzadə” Ziyarətgah Kompleksinə hərəkət edəcəklər.
Həmin ərazidə ehsan çadırları qurulacaq, MKTİB tərəfindən içməli su çənləri yerləşdiriləcək. Vətəndaşların təhlükəsizliyinin və sağlamlığının təmin edilməsi məqsədi ilə əraziyə polis, yanğından mühafizə və təcili tibbi yardım briqadaları cəlb ediləcək.
